Lo 30 de setembre de 2024, l’AMIC a organizat una taula redonda a l’Arxiu del Regne de Mallorca, a Palma, amassant de joves influenciaires locals per debatre del tèma « Joves e l’Euròpa verda dins l’Euroregion ». Aquel eveniment s’inscriu dins l’encastre del projècte Youth 4 Green, dont l’objectiu es de promòure lo Pacte Vert per e pels joves de l’Euroregion, en metent l’accent sus l’importància de la comunicacion.
En implicant los influenciaires joves, l’iniciativa a mes en valor lo poder de las generacions novèlas, particularament per las rets socialas, coma vectors essencials de sensibilizacion e de difusion dels messatges sus de subjèctes importants, tals coma la transicion ecologica e lo respècte de las prioritats del Pacte Vert Europèu. Lor engatjament contribuís a mobilizar una societat mai larja a l’entorn de las valors d’un avenidor duradís e inclusiu.
