Los 4 e 5 d’octobre, lo Fòrum dels Joves a marcat la barradura del projècte YOUTH 4 GREEN ERF amb doas jornadas ricas en escambis e en engatjament ecologic. A Torroella de Montgrí, partenàrias, membres del Panèl dels Joves, benevòls de l’AEJ e autres actors implicats se son amassats per parlar de las avançadas del projècte e partejar lors experiéncias.
A Girona, l’endeman, un talhièr interactiu sus la proteccion de l’environament a permés als participants d’explorar de solucions concrètas per un avenidor mai duradís. La jornada s’es perseguida amb la proposicion d’idèas per la redaccion collectiva del Manifèst dels Joves per l’Environament, destinat a la Comission europèa.