Dins l’encastre de la campanha europèa Let’s Clean Up Euròpa 2025, los volontaris joves del projècte Youth For Green an rejonch los membres de l’Amassada Euroregionala dels Joves per una jornada granda de netejatge. Mai de 200 joves de las Illas Balearas, de Catalonha e de la Region Occitània an participat a aquela accion, que mirava non solament a collectar de degalhs, mas tanben a sensibilizar als impactes de la pollucion dels degalhs dins la natura.
En tot, 200 kg de plastics, fialats de pesca, megòts e autres degalhs son estats amassats sus tres espacis naturals protegits de l’Euroregion. Aquela iniciativa, portada per l’Euroregion Pirenèus-Mediterranèa, s’inscriu dins una demarcha mai larja de proteccion de l’environament e de sensibilizacion a las politicas environamentalas de l’UE, sustot lo Pacte verd.